Fréttir

Jólapopp á Café Haíti

PoppkornSkemmtidagskráin Jólapopp fer fram á Café Haití, miðvikudagskvöldið 15. desember. Þar verður boðið upp á notalegt nostalgíukast, poppspurningakeppni og primafína tónlist fyrir alla áhugasama poppunnendur. Popppunkts-keppni, Poppkorn og Prinspóló – hvað eru mörg pé í því?

Sagnameistarinn Einar Kárason kemur og kynnir bókina Poppkorn. Í bókinni er haldið á vit minninganna með ljósmyndum Sigurgeirs Sigurjónssonar ljósmyndara og minningabrotum Einars frá sjöunda og áttunda áratugnum. Einar kynnir einnig sagnabók sína Mér er skemmt.

Dr. Gunni mætir og heldur sérstaka Popppunkts-spurningakeppni í tilefni af útkomu borðspilsins Enn meiri Popppunktur. Öllum er heimiluð þátttaka og mega vera einn til fjórir þátttakendur í hverju liði. Spurt verður um íslenska og erlenda dægurtónlist og verða sumar spurningarnar byggðar á spurningum úr borðspilinu. Stórglæsilegir vinningar eru í boði.

Hljómsveitin Prinspóló mun síðan sjá til þess að allir haldi sér í þokkalega fínu stuði og spilar lög af plötunni Jukk, sem Kimi útgáfan gaf út nýlega. Þetta er fyrsta fullvaxna plata Prinspólós, en míníplatan Einn heima kom út í fyrra. Prinspóló er hugarfóstur Svavars Péturs Eysteinssonar.

Café Haití er staðsett við Gömlu höfnina í Reykjavík (nánar tiltekið Geirsgötu 7b / Verbúð 2) og hefst skemmtidagskráin Jólapopp nokkuð stundvíslega á Popppunkts-spurningakeppninni kl. 21, eins og áður segir miðvikudagskvöldið 15. des. Kaffi og öllari verður í boði á vægu verði fyrir gesti.


Til baka



Senda Senda Prenta Prenta Senda á Facebook

Leitað að verki

Höfundur:
Ritverk:


Skipta um leturstærð


Tungumál