Fréttir

Verðlaunaleikrit endurflutt á sunnudag

Útvarpsleikritið Djúpið í flutningi Útvarpsleikhússins hlaut Norrænu útvarpsleikhúsverðlaunin 2011 sem besta útvarpsleikritið á Norðurlöndunum. Höfundurinn, Jón Atli Jónasson, fékk svo að auki Grímuna fyrir leikritið sem útvarpsverk ársins. Verkið verður endurflutt í Útvarpsleikhúsinu á Rás 1 sunnudaginn 26. júní kl. 14 í tilefni þessara verðlauna.

Í kynningu RÚV segir um verkið:
Bátur heldur úr höfn rétt fyrir dögun. Menn ýmist fleygja sér í koju eða halda sér vakandi á sígarettum, kaffi og veltingi. Enginn hefur minnsta grun um hvað er í vændum.  Djúpið er frásögn úr íslenskum veruleika sem lætur engan ósnortinn. Þetta er óður til allra þeirra fjölmörgu, íslensku sjómanna sem í gegnum aldirnar hafa haldið á djúpið.

Höfundur sótti innblástur sinn til ótrúlegrar þrekraunar Guðlaugs Friðþórssonar sem synti í land eftir að skip hans Hellisey VE-503, fórst við Vestmannaeyjar aðfararnótt 11. mars árið 1984. Fjórir vinir Guðlaugs fórust en hann komst einn lífs af eftir að hafa synt rúma fimm kílómetra og verið sex tíma í köldu Atlantshafinu.

Leikari: Ingvar E. Sigurðsson
Tónlist: Hilmar Örn Hilmarsson
Hljóðvinnsla: Einar Sigurðsson
Leikstjóri: Jón Atli Jónasson


Til baka



Senda Senda Prenta Prenta Senda á Facebook

Leitað að verki

Höfundur:
Ritverk:


Skipta um leturstærð


Tungumál