Fréttir

Alþjóðleg ljóðahátíð 2011

Sjöunda Alþjóðlega ljóðahátíðin verður haldin í Reykjavík dagana 6.-8. október 2011. Boðið verður uppá ljóðaupplestra og pallborðsumræður sem bæði innlend og erlend skáld taka þátt, ásamt ýmsum fjöllistamönnum. Dagskráin fer fram í Norræna húsinu og á Nýlistasafninu.

Dagskrá hátíðarinnar er eftirfarandi:

Heart Murmurs. Norræna húsið, 6. október. Opnunarhátíð á milli klukkan 20:00 - 22:00

From Reykjavík With Love. Nýlistasafnið, 7. október. Dagskrá á milli klukkan 19:00 - 23:00. Fram koma Elías Knörr vs. Elías Portela, Arngrímur Vídalín, Þórdís Gísladóttir, Monica Aasprong (NO/SE), Ingólfur Gíslason, Klara Arnalds, Guðbrandur Siglaugsson, Ragnhildur Jóhannsdóttir, Gary Barwin (CA) og S.L.Á.T.U.R.

I Want Your Text (Ow!) Norræna húsið, 8. október. Pallborðsumræður á milli klukkan 14:00 - 15:30.

Heart Full of Stuff. Nýlistasafnið, 8. október. Dagskrá á milli klukkan 19:00 - 23:00. Fram koma Páll Ivan, Hekla Helgadóttir, Jón Bjarki Magnússon, Þórdís Björnsdóttir, Anne Kawala (FR), Kristín Svava Tómasdóttir, Bergþóra Snæbjörnsdóttir, Bragi Páll Sigurðarson, Marko Niemi (FI), Jón Örn Loðmfjörð og S.L.Á.T.U.R.

Alþjóðleg ljóðahátíð er haldin í samstarfi við S.L.Á.T.U.R. (Samtök listrænt ágengra tónsmiða umhverfis Reykjavík).

Fjögur erlend ljóðskáld koma á hátíðina. Þau eru:
Anne Kawala frá París, Frakklandi. Sjónlista- og sviðslistaskáld sem hefur vakið mikla athygli á alþjóðlegum vettvangi.
Gary Barwin frá Hamilton í Kanada. Skáld sem yrkir myndræn ljóð, hljóðljóð og súrrealísk ljóð og hefur gefið út tíu bækur, nú síðast bókina The Porcupinity of Stars.
Marko Niemi frá Helsinki, Finnlandi. Marko fæst við stafræna, hljóðræna og myndræna ljóðlist. Verk hans má skoða á nokturno.org.
Monica Aasprong frá Stokkhólmi, Svíþjóð. Höfundur bókarinnar Soldatmarkedet (Hermannamarkaðurinn) sem hefur vakið verðskuldaða athygli fyrir pólitískan boðskap sinn og myndræna framsetningu.

Á ljóðahátíðinni koma einnig fram fimmtán íslensk ljóðskáld:
Arngrímur Vídalín, Bergþóra Snæbjörnsdóttir, Bragi Páll Sigurðarson, Elías Knörr vs. Elías Portela, Guðbrandur Siglaugsson, Hekla Helgadóttir, Ingólfur Gíslason, Jón Bjarki Magnússon, Jón Örn Loðmfjörð, Klara Arnalds, Kristín Svava Tómasdóttir, Páll Ivan, Ragnhildur Jóhannsdóttir, Þórdís Björnsdóttir, og Þórdís Gísladóttir. Tónskáldin Áki Ásgeirsson, Þorkell Atlason, Guðmundur Steinn Gunnarsson, Davíð Brynjar Franzson, og Hallvarður Ásgeirsson Herzog úr S.L.Á.T.U.R. munu einnig slá tóninn. Þá er ógetið þýðendanna, en þau Eiríkur Örn Norðdahl, Marta Guðrún Jóhannesdóttir, Bjarni Þórisson og Kári Páll Óskarsson hafa snarað ljóðum erlendu skáldanna yfir á íslensku. Kynnar á hátíðinni verða skáldin Björk Þorgrímsdóttir og Valur Brynjar Antonsson.

Þetta er í fyrsta sinn sem Angela Rawlings sér um listræna stjórn hátíðarinnar, en hún er vel þekkt skáld og fjöllistamaður frá Kanada. Hún kom fyrst til Íslands í boði ljóðahátíðarinnar árið 2007 og hefur síðan komið til landsins árlega og tekið þátt í ýmsum listviðburðum.

Samstarfs- og styrktaraðilar hátíðarinnar eru: Norræna Húsið, Nordal stofnunin, Reykjavíkurborg, Mennta- og menningarmálaráðuneytið og Nýlistasafnið.


Til baka



Senda Senda Prenta Prenta Senda á Facebook

Leitað að verki

Höfundur:
Ritverk:


Skipta um leturstærð


Tungumál