Fréttir

Einar Már hlýtur Norræn bókmenntaverðlaun

Sænska akademían hefur kunngjört að Einar Már Guðmundsson fái Norrænu bókmenntaverðlaunin í ár fyrir framlag sitt til bókmennta. Einar Már mun veita verðlaununum viðtöku í Stokkhólmi 11. apríl næstkomandi. Þetta var tilkynnt á föstudaginn síðastliðinn, svo þetta eru ekki beinlínis glóðvolgar fréttir, en við óskum Einari engu að síður til hamingju með verðlaunin.

Norræn bókmenntaverðlaun Sænsku akademíunnar hafa verið veitt árlega frá 1986. Þau þykja einhver mesti heiður sem norrænum rithöfundi getur hlotnast og eru gjarnan nefnd norrænu nóbelsverðlaunin eða „litli Nóbelinn“.

Einar Már Guðmundsson er þriðji Íslendingurinn sem hlýtur verðlaunin. Thor Vilhjálmsson fékk þau árið 1992 og Guðbergur Bergsson árið 2004.

Einar Már hefur sent frá sér skáldsögur, smásögur og ljóð en einnig hugleiðingar um samfélagsmál og menningu. Hann hefur hlotið ýmis konar verðlaun og viðurkenningar fyrir verk sín, þar á meðal Bókmenntaverðlaun Norðurlandaráðs 1995, norsku Bjørnsonverðlaunin og Karen Blixen heiðursverðlaunin.


Til baka



Senda Senda Prenta Prenta Senda á Facebook

Leitað að verki

Höfundur:
Ritverk:


Skipta um leturstærð


Tungumál