Fréttir

Bókabeitan hlýtur IBBY-viðurkenningu

Í gær, sunnudaginn 19. maí, voru í Gunnarshúsi afhentar Vorvindaviðurkenningar IBBY á Íslandi við hátíðlega athöfn.

Þrjár viðurkenningar voru veittar að þessu sinni fyrir störf að barnamenningu.

Viðurkenningarnar hlutu:

– Birgitta Elín Hassell og Marta Hlín Magnadóttir, stofnendur bókaútgáfunnar Bókabeitunnar og höfundar Rökkurhæða-bókaflokksins, fyrir framlag sitt til lestrarhvatningar. Þær ráðast beint á rót vandans og freista þess skrifa barna- og unglingabækur sem krakkar eru ólmir að lesa.

– Leikhópurinn Lotta fyrir frumlegar og skemmtilegar barnasýningar sem sýndar eru utandyra hvert sumar um land allt.

– Sinfóníuhljómsveit Íslands fyrir metnaðarfullt barnastarf, m.a. með tónleikaröðinni Litla tónsprotanum og farsælu samstarfi við músina knáu Maxímús Músíkús.

Vorvindaviðurkenningar IBBY hafa verið afhentar árlega frá árinu 1987 og eiga þær að vekja athygli á þeim fersku vindum sem blása í barnamenningunni hverju sinni.

Viðurkenningarhafar 2012


Til baka



Senda Senda Prenta Prenta Senda á Facebook

Leitað að verki

Höfundur:
Ritverk:


Skipta um leturstærð


Tungumál