Fréttir

Svíngpjattar og vampírfés

Elías Mar og Kristinn E. AndréssonLaugardaginn 27. október standa Bókmenntafræðistofnun Háskóla Íslands og Reykjavík Bókmenntaborg UNESCO fyrir málþingi um Elías Mar og skáldsögu hans, Vögguvísu, í samstarfi við Landsbókasafn Íslands, bókaforlagið Lesstofuna og ReykjavíkurAkademíuna. Þingið fer fram í Þjóðarbókhlöðunni kl. 13:00 – 15:30. Þar verður fjallað um höfundinn, verkið og sögutíma þess frá ólíkum hliðum, meðal annars út frá karlmennskuímynd, tónlist, matarmenningu og sögu skáldsins Elíasar Marar. Á safninu stendur einnig yfir sýning á skjölum og myndum úr safni Elíasar, meðal annars á handritinu að Vögguvísu og leiðréttum próförkum, en safnið varðveitir einkaskjalasafn skáldsins. Málþingið er hluti af dagskrá Lestrarhátíðar í Reykjavík.

Kaffiveitingar verða í boði. Ekkert kostar inn á málþingið og eru allir velkomnir.

Dagskrá málþingsins er eftirfarandi:

13:00–13:20
Þorsteinn Antonsson: Ágrip um Elías Mar + Reykjavíkurþáttur E. M.

13:20–13:40
Jón Karl Helgason: „Heldurðu, að ég hafi aldrei átt móður?“ Ungur og einstæður höfundur kveður sér hljóðs

13:40–14:00
Svavar Steinarr Guðmundsson: La bohème: Íslensk uppfærsla

14:00–14:30
Hlé

14:30–14:50
Ásta Kristín Benediktsdóttir: „Þetta var að vera maður, ekki barn.“ Karlmennskuævintýri Bambínós

14:50–15:10
Tómas R. Einarsson: Ámáttleg djassvein og höfðaletur í rauðviðarfjöl

15:10–15:30
Sólveig Ólafsdóttir: „Mikið skelfing varstu nú orðinn svangur, Bjössi minn.“ Stafræn saga um mat í Vögguvísu


Til baka



Senda Senda Prenta Prenta Senda á Facebook

Leitað að verki

Höfundur:
Ritverk:


Skipta um leturstærð


Tungumál