Fréttir

Íslensku myndskreytiverðlaunin afhent á sunnudag

Þetta vilja börnin sjá!Sunnudaginn 27. janúar næstkomandi kl. 14 opnar sýning í Menningarmiðstöðinni Gerðubergi á myndskreytingum úr barnabókum sem komu út á síðasta ári. Sýningin nefnist Þetta vilja börnin sjá! og hefur verið haldin árlega í Gerðubergi frá árinu 2002.

Um leið verða Dimmalimm – íslensku myndskreytiverðlaunin afhent, en þau eru veitt fyrir bestu myndskreytingu íslenskrar barnabókar frá árinu 2012. Verðlaununum er ætlað að hvetja bæði útgefendur og höfunda texta og mynda til frekari dáða.

Þetta vilja börnin sjá! er farandsýning og hefur hún verið sett upp víða um land síðustu ár. Áhugasömum sýningaraðilum er bent á að hafa samband við verkefnisstjóra listadeildar í Gerðubergi.

Þátttakendur í sýningunni í ár eru:

Aðalheiður Vigfúsdóttir, Agung Wulandana, Áslaug Jónsdóttir, Bergrún Íris Sævarsdóttir, Birgitta Sif Jónsdóttir, Erla María Árnadóttir, Freydís Kristjánsdóttir, Guðbjörg Hlíf Pálsdóttir, Guðrún Kristín Magnúsdóttir, Gunnar Júlíusson, Heiða Björk Norðfjörð, Hólmsteinn Össur Kristjánsson, Hugrún Hrönn Kristjánsdóttir, Íris Auður Jónsdóttir, Jean Posocco, Karl Jóhann Jónsson, Kerry Reidy, Leonardo Ariza, Nunung Nurjannah, Ólafur Gunnar Guðlaugsson, Rosaria Battiloro, Salbjörg Rita Jónsdóttir, Sigrún Eldjárn, Smári Rúnar Róbertsson, Unnur Valdís Kristjánsdóttir,Vladimiro Rikowski, Þórarinn Már Baldursson og Þórarinn Leifsson.

Sýningin mun standa til 24. mars. Sjá nánar á heimasíðu Menningarmiðstöðvarinnar Gerðubergs.

Opnunin verður, sem áður segir, sunnudaginn 27. janúar kl. 14, og allir eru velkomnir, sérstaklega börn!


Til baka



Senda Senda Prenta Prenta Senda á Facebook

Leitað að verki

Höfundur:
Ritverk:


Skipta um leturstærð


Tungumál