Fréttir

Höfundakvöld í Gunnarshúsi

Húsráð Gunnarshúss mun standa fyrir vikulegum Höfundakvöldum í Gunnarshúsi fram að jólum. Á hverju fimmtudagskvöldi mæta tveir höfundar og spjalla um bækur sínar, lesa aðeins úr þeim, og síðan gefst áhorfendum kostur á að spyrja líka. Meiningin er að lyfta jólabókavertíðinni aðeins upp úr fari hinna hefðbundnu upplestrarkvölda, og gefa hverri bók og hverjum höfundi meiri tíma.

Kvöldröðin fer af stað þann 16. okt kl. 20.00 en þá mæta þau Guðrún Eva Mínervudóttir og Ármann Jakobsson og svara spurningum Arndísar Þórarinsdóttur um væntanlegar bækur sínar: Guðrún Eva um skáldsöguna Englaryk og Ármann um barnabókina Síðasti galdrameistarinn.

Allir er velkomnir á meðan húsrúm leyfir, aðgangseyrir er 500 kr.


Til baka



Senda Senda Prenta Prenta Senda á Facebook

Leitað að verki

Höfundur:
Ritverk:


Skipta um leturstærð


Tungumál