Fréttir

Endurbókun í Gerðubergi

Laugardaginn 1. nóvember kl. 14 opnar bókverkasýningin Endurbókin í Menningarmiðstöðinni Gerðubergi.

Þar verða sýnd fjölbreytt verk eftir sjö listakonur úr listhópnum ARKIR

Bókverk er samheiti yfir myndverk sem tengjast á einhvern hátt bókinni sem formi og hugtaki. Fjölbreytni bókverka er óendanleg og takmarkast einungis við hugmyndaflug listamannsins. Bókverk geta verið fjölfölduð eða einstæð, þ.e. aðeins til í einu eintaki og með augljósu yfirbragði handverksins eins og mörg verkanna á Endurbókun.

Öll verk á sýningunni eiga það sameiginlegt að vera unnin úr gömlum bókum. Flestar þeirra voru fengnar hjá Gerðubergssafni, en bókasöfn afskrifa árlega nokkurn fjölda bóka til frekari útlána. Þessar gömlu bækur, sem lokið hafa hlutverki sínu, hafa öðlast nýtt líf í einstæðum listaverkum.

Listahópurinn ARIKIR hittist reglulega til að bera saman bækur sínar en meðlimir hafa um margra ára skeið stundað bókverkagerð af ýmsum toga. Listakonurnar sinna öllu jafna fjölbreyttri listsköpun á sviði málara- og grafíklistar, textíllistar, ritlistar, myndlýsinga og hönnunar, en eiga það sameiginlegt að hrífast af bókverkum meðfram annarri listsköpun.

Sýnendur:

Anna Snædís Sigmarsdóttir
Arnþrúður Ösp Karlsdóttir
Áslaug Jónsdóttir
Ingiríður Óðinsdóttir
Svanborg Matthíasdóttir
Sigurborg Stefánsdóttir
Kristín Þóra Guðbjartsdóttir

Nánar má lesa um Arkir hér.

Sýningin Endurbókun stendur til 11. janúar 2015 og er opin virka daga kl. 8-18 og um helgar kl. 13-16.

Í tengslum við sýninguna Endurbókun verður á dagskrá Handverkskaffi í Menningarmiðstöðinni undir yfirskriftinni Brot af bókum miðvikudagskvöldið 5. nóvember kl. 20-22. Sjá nánar á heimasíðu Menningarmiðstöðvarinnar.


Til baka



Senda Senda Prenta Prenta Senda á Facebook

Leitað að verki

Höfundur:
Ritverk:


Skipta um leturstærð


Tungumál