Fréttir

Evrópumeistarinn & Ástarmeistarinn

ÁstarmeistarinnOddný Eir Ævarsdóttir tekur við Bókmenntaverðlaunum Evrópusambandsins í Brussel í næstu viku, en Bókmenntaverðlaunum Evrópusambandsins er ætlað að veita nýjustu og bestu upprennandi rithöfundunum í Evrópu viðurkenningu.

Oddný hefur og nýverið gefið frá sér skáldsöguna Ástarmeistarinn.

Af þessu tvöfalda tilefni bjóða bókaforlagið Bjartur, Bókmenntaverðlaun ESB og Evrópustofa við til veislu á fjórðu hæðinni í Eymundsson, Austurstræti, fimmtudaginn 13. nóvember klukkan 17.

Auður Aðalsteinsdóttir, formaður íslensku landsdómnefndar Bókmenntaverðlauna Evrópusambandsins segir frá verðlaununum í fáeinum orðum og frá niðurstöðu dómnefndar.

Magga Stína mun flytja lög eftir Bubba: „Þjóðlag“ eftir Bubba og Snorra Hjartarson og „Haustið á liti.“ Möggu Stínu til halds og trausts verða Jakob Smári Magnússon bassaleikari og Pétur Hallgrímsson gítarleikari.

Oddný Eir mun útskýra tengslin við Bubba-lögin og segja nokkur orð um verk sín.

Bóksalinn góði Eymundsson verður með bækur Oddnýjar á tilboðsverði og höfundur er fús að árita.

Rebekka Þráinsdóttir heldur utan um veisluna og sér til þess að allt fari vel fram.

Verið velkomin!

 


Til baka



Senda Senda Prenta Prenta Senda á Facebook

Leitað að verki

Höfundur:
Ritverk:


Skipta um leturstærð


Tungumál