Fréttir

Sjálfstætt fólk á degi íslenskrar tungu

Atli Rafn SigurðssonSunnudaginn 16. nóvember klukkan 16 verður Dagur íslenskrar tungu haldinn hátíðlegur á Gljúfrasteini. Atli Rafn Sigurðarson og Ólafur Egill Egilsson koma í í hús skáldsins til þess að spjalla um bókina, leikgerðina og uppsetningu á Sjálfstæðu fólki eftir Halldór Laxness.

Atli Rafn, Ólafur Egill og Símon Birgisson eru höfundar leikgerðar en verkið verður frumsýnt í Þjóðleikhúsinu þann 26. desember.

Sjálfstætt fólk er ein ástsælasta skáldsaga íslenskra bókmennta fyrr og síðar. Það verður fróðlegt að heyra hvernig tekist verður á við þetta magnaða verk Halldórs Laxness, þar sem farið er með okkur í einstakt ferðalag um sögu þjóðarinnar.

Atli Rafn leikur Bjart í Sumarhúsum og Ólafur Egill bregður sér í gervi kennara í sýningunni.

Sjálfstætt fólk var áður á fjölum Þjóðleikhússins árið 1972 í leikgerð og leikstjórn Baldvins Halldórssonar og árið 1999 var Bjartur-Landnámsmaður Íslands og Ásta Sóllilja-Lífsblómið sýnt í Þjóðleikhúsinu í leikgerð Kartans Ragnarssonar og Sigríðar Margrétar Guðmundsdóttur.

Allir eru velkomnir á meðan húsrúm leyfir og aðgangur er ókeypis.


Til baka



Senda Senda Prenta Prenta Senda á Facebook

Leitað að verki

Höfundur:
Ritverk:


Skipta um leturstærð


Tungumál