Fréttir

Glæpakvöld Hins íslenska glæpafélags

Glæpakvöld Hins íslenska glæpafélags verður haldið á Sólon fimmtudaginn 26. nóvember.

Húsið opnar klukkan 20 með hljóðfæraleik sem Refur og félagar annast en dagskrá hefst klukkan 20.30.

Fyrsta atriðið á dagskránni verður kynning á þýðingum glæpasagna sem tilnefndar voru til Ísnálarinnar.
Þá lesa nokkrir höfundar glæpasagna ársins úr verkum sínum.
Eftir hlé verður gert kunnugt hver hlýtur Ísnálina fyrir bestu þýðingu ársins. Síðan lesa aðrir höfundar glæpasagna ársins úr verkum sínum.

Glæpasögur ársins 2015

Arnaldur Indriðason, Þýska húsið, Vaka Helgafell.
Ágúst Borgþór Sverrisson, Myrkrið, Draumsýn.
Guðrún Guðlaugsdóttir, Blaðamaður deyr, GPS.
Lilja Sigurðardóttir, Gildran, JPV.
Óskar Guðmundsson, Hilma, Draumsýn.
Ragnar Jónasson, Dimma, Veröld.
Sólveig Pálsdóttir, Flekklaus, JPV.
Stefán Máni, Nautið, Sögur útgáfa.
Stella Blómkvist, Morðin í Skálholti, Forlagið.
Yrsa Sigurðardóttir, Sogið, Veröld.

Tilnefningar til Ísnálarinnar 2015

Afturgangan (Gjenferd) eftir Jo Nesbø í þýðingu Bjarna Gunnarssonar. (Útg. JPV útgáfa).
Alex (Alex) eftir Pierre Lemaitre í þýðingu Friðriks Rafnssonar. (Útg. JPV útgáfa).
Blóð í snjónum (Blod på snø) eftir Jo Nesbø í þýðingu Bjarna Gunnarssonar. (Útg. JPV útgáfa).
Konan í lestinni (The Girl on the Train) eftir Paulu Hawkins í þýðingu Bjarna Jónssonar. (Útg. Bjartur).
Syndlaus (I grunden utan skuld) eftir Vivecu Sten í þýðingu Elínar Guðmundsdóttur. (Útg. Ugla).

Þetta er annað árið sem verðlaunin verða veitt, en þetta er samstarfsverkefni Iceland Noir glæpasagnahátíðinnar, Hins íslenska glæpafélags og Bandalags þýðenda og túlka.

Dómnefnd skipuðu Katrín Jakobsdóttir, Kolbrún Bergþórsdóttir, Magnea J. Matthíasdóttir, Quentin Bates og Ragnar Jónasson.


Til baka



Senda Senda Prenta Prenta Senda á Facebook

Leitað að verki

Höfundur:
Ritverk:


Skipta um leturstærð


Tungumál