Fréttir

Aðventuupplestur á Gljúfrasteini

Aðventuupplestrum á Gljúfrasteini lýkur á sunnudag, eins og vera ber, þann 20. desember, fjórða sunnudegi í aðventu. Þá munu fjórir rithöfundar lesa úr nýjum verkum sínum, þeir eru:

Kristín Svava Tómasdóttir, sem les upp úr ljóðabók sinni Stormviðvörun. Þetta er þriðja ljóðabók hennar.

Óskar Árni Óskarsson les úr Blýenglinum. Titillinn á bókinni og samnefndu ljóði í henni, varð til eftir að höfundur var á gangi eftir Meistaravöllum eitt rigningarsíðdegi um haust og fann þá lítinn blýengil á gangstéttinni.

Ólafur Ingi Jónsson les úr bókinni Nína Tryggvadóttir - Ljóðvarp. Bókin er gefin út í tengslum við yfirlitssýningu á verkum Nínu Tryggvadóttur í Listasafni Íslands. Í bókinni er farið yfir feril Nínu, lífi hennar og list en hún var meðal frjóustu og framsæknustu myndlistarmanna sinnar kynslóðar og einn af brautryðjendum ljóðrænnar abstraktlistar. Birta Guðjónsdóttir ritstýrir bókinni ásamt Ólafi Inga.

Ólafur Gunnarsson les úr skáldsögu sinni Syndaranum. Bókin er fjölskyldusaga sem gerist á seinustu áratugum síðustu aldar og er sjálfstætt framhald Málarans sem kom út árið 2012.

Upplesturinn hefst stundvíslega klukkan 16.00 og er aðgangur ókeypis.


Til baka



Senda Senda Prenta Prenta Senda á Facebook

Leitað að verki

Höfundur:
Ritverk:


Skipta um leturstærð


Tungumál