Fréttir

Upplestrarkvöld á Bókakaffinu Selfossi

Í Bókakaffinu á Selfossi lesa höfundar úr nýjum bókum á fimmtudagskvöldum í aðdraganda jóla.

Fyrsti upplesturinn verður fimmtudagskvöldið 24. nóvember, húsið opnar kl. 20 og lestur stendur frá 20.30 til 21.30.

Tíu ára hefð er nú komin á upplestarkvöldin í Bókakaffinu sem hafa verið vel sótt og skapað reglulega jólastemningu með heitum kakódrykk, smákökum og skemmtilegu skáldaspjalli.

Þeir sem lesa þetta fyrsta kvöld eru:

Steinunn Sigurðardóttir sem sendir frá sér bókina Heiða – fjalldalabóndinn, um Heiðu Guðný Ásgeirsdóttur á Ljótarstöðum í Skaftártungu.

Hermann Stefánsson sem skrifað hefur bókina Bjargræði, um kvenhetjuna og fordæðuna Látra-Björgu.

Guðmundur Sæmundsson sem gefur út sína fyrstu ljóðabók, sem nefnist Í sjöunda himni býr sólin.

Kristian Guttesen sem les úr nýútkominni ljóðabók sinni Hendur morðingjans.

Allir eru velkomnir.


Til baka



Senda Senda Prenta Prenta Senda á Facebook

Leitað að verki

Höfundur:
Ritverk:


Skipta um leturstærð


Tungumál