Stefán Máni fæddist í Reykjavík 3. júní 1970. Hann ólst upp í Ólafsvík og bjó þar fram yfir tvítugt. Hann lauk grunnskólaprófi og hefur síðan stundað almenna verkamannavinnu og unnið þjónustustörf. Þar má telja fiskvinnslu, byggingarvinnu, smíðar, hellu- og pípulagnir, garðyrkju, næturvörslu, ræstingar, bókband, vinnu með unglingum og umönnun geðsjúkra.

Stefán Máni hefur sent frá sér tíu skáldsögur, Dyrnar á Svörtufjöllum (1996),  Myrkravél (1999), Hótel Kalifornía (2001), Ísrael: Saga af manni (2002), Svartur á leik (2004), Túrista (2005), Skipið (2006), Ódáðhraun (2008), Hyldýpi (2009) og Feigð (2011). Hann hlaut Blóðdropann, glæpasagnaverðlaun Hins íslenska glæpafélags 2007 fyrir Skipið og bókin var einnig tilnefnd til Glerlykilsins 2008. Svartur á leik var tilnefnd til sömu verðlauna 2006.

Skipið hefur komið út í þýðingum í Danmörku, Frakklandi og Þýskalandi.

Stefán Máni býr í Reykjavík.

Forlag: JPV útgáfa.


Til baka


Senda Senda Prenta Prenta Senda á Facebook

Leitað að verki

Höfundur:
Ritverk:

Upplestur

Svartur á leik (28,51 MB) – Brot



Skipta um leturstærð


Tungumál