Bergsveinn Birgisson fæddist árið 1971 á Eiríksgötu. Hann ólst upp í Kópavogi, og bjó síðar í Garðabæ og lauk stúdentaprófi frá Fjölbrautarskóla Garðabæjar 1991. Hann fór síðar í Háskóla Íslands og lauk BA prófi í íslensku og almennri bókmenntafræði árið 1997, cand. mag prófi frá Háskólanum í Osló 1999, magisterprófi árið 2001 frá Háskólanum í Björgvin og doktorsprófi í norrænum fræðum frá sama skóla árið 2008.

Fyrsta útgáfa var ljóðabókin Íslendingurinn sem kom út árið 1992, og þar á eftir ljóðabókin Innrás liljanna sem kom út undir merkjum NYKURS árið 1997. Skáldsagan Landslag er aldrei asnalegt kom út 2003 hjá Bjarti, skáldfræðisagan Handbók um hugarfar kúa árið 2009 og skáldsagan Svar við bréfi Helgu árið 2010.

Bergsveinn hefur verið búsettur í Noregi um nokkurt skeið, en gert reglulegar vitjanir til ættjarðarinnar.


Til baka


Senda Senda Prenta Prenta Senda á Facebook

Leitað að verki

Höfundur:
Ritverk:

Umfjöllun um bækur



Skipta um leturstærð


Tungumál