Guðbergur Bergsson fæddist 16. október árið 1932 í Grindavík. Hann lauk kennaraprófi frá Kennaraskóla Íslands 1955, hélt síðan til náms á Spáni og lauk prófi í spænskum fræðum, bókmenntum og listasögu frá La Universidad de Barcelona 1958.

Fyrstu bækur hans, skáldsagan Músin sem læðist og ljóðabókin Endurtekin orð komu út árið 1961, en síðan hefur hann sent frá sér fjölda bóka af ýmsum toga, smásögur, skáldsögur, barnabók, skáldævisögur og fleira. Auk þess hefur hann skrifað greinar um bókmenntir, listir og þjóðfélagsmál í dagblöð og tímarit. Hann er einn afkastamesti þýðandi okkar úr spænsku og hefur átt stóran hlut í að kynna spænsku- og portúgölskumælandi höfunda hér á landi. Bækur Guðbergs hafa verið þýddar á fjölmörg mál og hefur skáldsagan Svanurinn vakið mikla athygli víða um heim. Guðbergur hlaut Norræn verðlaun sænsku bókmenntaakademíunnar árið 2004.

Forlag: JPV útgáfa.

Mynd af höfundi: Jóhann Páll Valdimarsson.


Til baka


Senda Senda Prenta Prenta Senda á Facebook

Leitað að verki

Höfundur:
Ritverk:


Skipta um leturstærð


Tungumál