Hallgrímur Helgason fæddist þann 18. febrúar 1959 í Reykjavík. Hann nam við Myndlista- og handíðaskóla Íslands veturinn 1979-80 og Listaakademíuna í München 1981-82. Frá árinu 1982 hefur hann starfað sjálfstætt sem myndlistarmaður og rithöfundur.

Fyrsta skáldsaga hans, Hella, kom út árið 1990 og síðan hefur hann sent frá sér fleiri skáldsögur og ljóðabók. Skáldsaga hans, 101 Reykjavík, vakti verulega athygli þegar hún kom út árið 1996 og var hún tilnefnd til Bókmenntaverðlauna Norðurlandaráðs árið 1999. Samnefnd kvikmynd Baltasar Kormáks byggð á bókinni var frumsýnd árið 2000 og hefur hún vakið athygli víða um lönd. Hallgrímur hefur einnig skrifað verk fyrir leikhús, auk fjölda blaðagreina um samfélags- og menningarmál, flutt pistla í útvarpi og komið fram sem grínstæðingur. 101 Reykjavík hefur komið út í þýðingum á Norðurlöndunum og víðar. Hallgrímur hefur haldið yfir 20 einkasýningar hér heima, í Boston, New York, París og Malmö og verk hans hafa verið sýnd á yfir 30 samsýningum í ýmsum löndum.

Hallgrímur Helgason býr og starfar í Reykjavík.

Forlag: Mál og menning.


Til baka


Senda Senda Prenta Prenta Senda á Facebook

Leitað að verki

Höfundur:
Ritverk:


Skipta um leturstærð


Tungumál