Jóhann Hjálmarsson er fæddur 2. júlí 1939 í Reykjavík. Hann lauk gagnfræðaprófi frá Gagnfræðaskóla Austurbæjar 1956 og var við prentnám í Iðnskóla Reykjavíkur til 1959. Sama ár fór hann í spænskunám við Háskólann í Barcelona og svo aftur árið 1965.

Jóhann starfaði hjá Póst- og símamálastofnun frá 1954-1985 og gegndi m.a. stöðu póstfulltrúa og útibússtjóra og síðan blaðafulltrúa frá 1985 til 1990. Hann var bókmenntagagnrýnandi Morgunblaðsins frá 1966 og leiklistargagnrýnandi sama dagblaðs 1967 til 1988. Jóhann hafði umsjón með bókmenntaþáttum í Ríkisútvarpinu en frá 1990 var Jóhann bókmenntagagnrýnandi að aðalstarfi þar til hann lét af störfum hjá Morgunblaðinu sumarið 2006.

Jóhann var í stjórn Félags íslenskra rithöfunda og Rithöfundasambands Íslands 1968 til 1972. Hann sat í frímerkjaútgáfunefnd frá 1982 til 1988. Jóhann var í dómnefnd bókmenntaverðlauna Norðurlandaráðs 1981 til 1990 og formaður nefndarinnar frá 1987 til 1989. Hann var formaður Samtaka gagnrýnenda 1986 til 1988 og íslenskur ritstjóri Nordisk Posttidskrift, tímaris norrænu póststjórnanna árin 1986 til 1990. Jóhann var einn af ritstjórum Forspils 1958 til 1959 og í ritstjórn Birtings 1958 til 1961. Auk þess gegndi hann ýmsum nefndarstörfum hjá Pósti og síma og Samgönguráðuneytinu 1985-1990.

Jóhann hefur gefið út fjölda ljóðabóka og kom fyrsta bókin, Aungull í tímann, út árið 1956. Ljóð Jóhanns hafa verið þýdd á mörg tungumál og birst í safnritum víðs vegar um heiminn. Ljóðabókin Hljóðleikar (2000) var tilnefnd til Bókmenntaverðlauna Norðurlandaráðs 2003. Jóhann hefur einnig þýtt ljóð fjölmargra erlendra höfunda.

Jóhann er búsettur í Mosfellsbæ.

Forlag: JPV útgáfa.


Til baka


Senda Senda Prenta Prenta Senda á Facebook

Leitað að verki

Höfundur:
Ritverk:

Upplestur

Drengur 2001 (0,61 MB) – Ljóð úr Vetrarmegni

Frábært (0,88 MB) – Ljóð úr Vetrarmegni

Hversdagsmynd (0,76 MB) – Ljóð úr Vetrarmegni

Hvítur hestur í sólskini (0,86 MB) – Ljóð úr Vetrarmegni

Krossavík (1,06 MB) – Ljóð úr Vetrarmegni

Rómur (0,42 MB) – Ljóð úr Vetrarmegni

Safnarinn (0,62 MB) – Ljóð úr Vetrarmegni

Strá (0,67 MB) – Ljóð úr Vetrarmegni

Sumarmáninn (0,4 MB) – Ljóð úr Vetrarmegni



Skipta um leturstærð


Tungumál