Um þýðinguna
Ljóðabókin Árbeeadni eftir Rauni Magga Lukkari. Einar Bragi þýddi úr samísku.
Úr Björtum frostdögum
Þær gengu hlið við hlið
móðir og dóttir
í mótvindi sem sveigði viðjurnar
þyrlaði upp snjónum og pilsföldunum
Bruninn nísti bringuna
Sumar og þrestir fjarri huga manns
Skyndilega köstuðu báðar sér flatar
og ólu hrínandi meybarn
hlóðu að þeim snjó
til að halda á þeim hita
Sjálfar lögðust þær hjá þeim
og sungu sumarljóð
Þegar lokið var fyrsta versi
bar ömmu að með vindinum
lagðist milli hvítvoðunganna
og tók undir sönginn