Anna V. Gunnarsdóttir myndskreytti.
um bókina
Einu sinni var lítill tröllastrákur sem átti heima í helli hjá pabba sínum og mömmu. Oft sat hann í hellismunnanum og horfði á mannabörnin og álfana leika sér í sólinni. Eina nóttina stalst hann að heiman til að sjá hafið og löndin á bak við fjöllin...
úr bókinni
- Af hverju viltu gefa mér stein, pabbi? spurði hann.
- Þetta er ekki venjulegur steinn, sagði pabbi, þetta er töfrasteinn sem ég fann undir klettadrang uppi á heiði.
- Hvað getur hann gert? Spurði strákurinn.
- Geymdu hann vel og á morgun skal ég segja þér það sagði pabbi.
Eldsnemma morguns, daginn eftir, gengu pabbinn og strákurinn upp á heiðina og strákurinn var með nýja steininn sinn í vasanum. Þeir námu staðar við skrýtinn klettadrang sem stóð einn og stakur neðan við græna fjallshlíð með hamrabelti fyrir ofan, þar sem mátti sjá dálítinn hellismunna ef vel var að gáð. Þar settust þeir.
- Hér fann ég steininn þinn, sagði pabbi. Og svo sagði hann söguna um steininn.
