Ólöf Vala Ingadóttir

Furðulegar verur og alls konar dýr í óvæntum aðstæðum, hani fullur nýfundins sjálfstrausts og dreki sem sættir sig við orðinn hlut og semur frið við sinn innri mann (í bókstaflegri merkingu) hafa komið við sögu í bókunum sem hér hefur verið fjallað um. Þessar ólíku sögur eru allar afar frumlegar á sinn hátt og vekja ekki bara athygli lesandans heldur gleði og undrun yfir því óvænta sem ber fyrir augu og eyru. Þær sýna svo ekki verður um villst að gróskan í myndabókaútgáfu fyrir börn er mikil um þessar mundir og enginn ætti að verða uppiskroppa með lesefni þessi jólin, vandinn er kannski helst að velja hvað á að lesa næst.