Útgáfustyrkir Miðstöðvar íslenskra bókmennta

Stjórn Miðstöðvar íslenskra bókmennta hefur tilkynnt um úthlutun útgáfustyrkja fyrir árið 2013 en umsóknarfrestur rann út 22. mars síðastliðinn. Miðstöð íslenskra bókmennta úthlutar nú í fyrsta sinn útgáfustyrkjum. Alls bárust 115 umsóknir um útgáfustyrki frá 62 aðilum. Um 20 milljónum var úthlutað til 42 útgáfuverkefna. Meðal þeirra verka sem hlutu útgáfustyrki í ár eru:

• Af jörðu. Torfhús í íslensku landslagi eftir Hjörleif Stefánsson (Útgefandi: Crymogea)
• Landbúnaðarsaga Íslands eftir Jónas Jónasson og Árna Daníel Júlíusson (Útgefandi: Skrudda)
• Orð að sönnu – yfirlitsrit íslenskra málshátta eftir Jón G. Friðjónsson (Útgefandi: Forlagið)
• Vatnið í náttúru Íslands eftir Guðmund Pál Ólafsson (Útgefandi: Forlagið)
• Reykvíkingar V-VI eftir Þorstein Jónsson (Útgefandi: Sögusteinn ehf.)
• Galdraskræða (Útgefandi: Lesstofan)
• Skíðblaðnir – bókmenntatímarit (Útgefandi: Syrpa ehf.)
• FF(W)D? – samtímarit um tónlist (Útgefendur: Gunnar Karel Másson og Tinna Þorsteinsdóttir)

Miðstöð íslenskra bókmennta veitir einnig styrki til þýðinga úr erlendum málum á íslensku og nýræktarstyrki en þeim er ætlað að hvetja til útgáfu á nýjum íslenskum skáldskap. Upplýsingar um alla styrki sem Miðstöð íslenskra bókmennta veitir má finna á heimasíðu miðstöðvarinnar. Hlutverk Miðstöðvar íslenskra bókmennta er að efla bókmenningu á Íslandi, kynna íslenskar bókmenntir hér á landi og erlendis og stuðla að útbreiðslu þeirra. Jafnframt veitir Miðstöð íslenskra bókmennta útgáfu- og þýðingastyrki.