Um bókina
Ljóðaflokkur þar sem vonin sjálf er undirliggjandi og mikilvægt afl til mótvægis við atburði sem eiga sér stað á yfirborðinu. Á markvissan hátt vinnur skáldið úr minningabrotum úr æsku og fléttar saman hinu kunnuglega og því sem er framandi.
Hanne Bramness er eitt þekktasta samtímaskáld Norðmanna.
Úr bókinni
Það sem myrkrið getur framkallað
Í haustkvöldinu blaktir ljós frá skrúðgöngu
ljósbera milli trjánna í garðinum. Þeir
ganga hægt, halda ljóskerunum á stöngum
sem sveiflast, lyfta þeim eins hátt og hægt er, eða
draga þau á eftir sér á jörðinni með
skínandi hala frá endurkastinu í litlum
pollum og djúpum hjólförum. Í röku loftinu
hanga glóandi skuggarnir eftir,
aðeins úr takti við göngumennina sem einnig
eru úr takti innbyrðis, þyngslalegir eða
á þönum. Það fer að verða áliðið, þeir
hafa gengið um stund, hugsanlega mörg
hundruð metra. Sumir raula, aðrir vola.
Það er svo dimmt, og ljóskerin veita myrkrinu aukið
afl til að skilja þá öruggu frá þeim óttaslegnu.