Úr Bláþræði:
Uppvakníngur handa Kristjáni Steingrími
Starandi
í skammdegisskímu sjónvarpsins
á þúngan dökkan bókaskápinn
litríka kilina og tvær myndir af múmíu
sem hánga uppi yfir skápnum
höfuð og herðar og handleggur
aframmaður við olnboga
teygir sig yfir í næstu mynd
sem hefst við olnboga
og nær fram í fíngurgóma
á milli myndanna
má greina handleggsbút:
olnbogalið. Og höggið
sem klýfur skápinn í tvennt
niður sturlúngu.
Og ég rek augun í orðin:
Og nú vinna smádjöflar á mér
