Þriðja ljóðorku-bókin, hinar fyrri eru Ljóðorkusvið og Ljóðorkuþörf.
Úr Ljóðorkulind:
Ofsókn
Aldrei fara inn um framdyr
bakdyralausra húsa
Sjá í gegnum einkaspæjara
jafnvel þá sem tala
í falsettu til þess að láta alla halda
að þeir séu dreifbýlismenn
Ganga inn í dimmt herbergi
þá sést hún allt í einu
gleymskunnar bráð
Sólargeislar inn
um skotraufirnar
Úti fyrir gengur minnið
ljósum logum
(44)
Fallbyssuskot á hádegi
Klukkan tólf
alltaf klukkan tólf
er henni fagnað
með fallbyssuskoti
þegar hún sest
í hásætið
í hásuðri
Sólinni
fagnað
með einu fallbyssuskoti
sem við heyrum ekki
Sjáum ekkert nema
ósýnilegar dyr
ósýnilega glugga
galopna
og það tekur bergmálið
af drynjandi fallbyssuskoti
allt síðdegið að deyja alveg út
(34)
