Um bókina
Jón Hjartarson var um árabil leikari hjá Leikfélagi Reykjavíkur og hefur leikið ótal hlutverk á sviði, í sjónvarpi, útvarpi og kvikmyndum. Jón er höfundur fjölmargra leikrita og leikgerða fyrir börn og fullorðna, auk barna- og unglingabóka. Hann hefur einnig skrifað samtalsbækur og samið fjölda skemmtiþátta, pistla og söngtexta. Troðningar er fyrsta ljóðabók hans, en hún hlaut bókmenntaverðlaun Tómasar Guðmundssonar árið 2021.
Úr bókinni
Lægðirnar
sigla enn gráum voðum
yfir fjallið
leggjast þétt að gluggum
við þessar aðstæður
verð ég barn með
grun um frí
og kakó í glasi
miðaldra
á nagladekkjum
Alútur
treð ég
gangstíginn
varlega
ræturnar liggja djúpt
samt skjóta þær upp kollinum
eins og óþekktarormar
í rigningu
