um bókina
Ljóðaflokkurinn Bjarg er um blokk og fólkið sem í henni býr. Yfirleitt þykja blokkir á Íslandi ekki kjörlendi ljóða en þessi bók afsannar það. Blokkin er á höfuðborgarsvæðinu, hún er átta hæða, með sex íbúðum á hverri hæð. Fangað er eitt afdrifaríkt andartak í lífi blokkarinnar, litið við í öllum hugskotum og ferðast upp eftir stigagöngunum uns komið er á efstu hæð.
Þá höfum við kynnst ástföngnu fólki og afbrýðisömu, tónelsku, beisku, uppstökku, draumlyndu og drykkfelldu. Allan tímann er einn íbúinn á leiðinni niður en aðeins fáir taka eftir honum, aðrir eiga nóg með sitt.
úr bókinni
6d
Ismael er hættur
að taka lyftuna
þrammar
brunastigann
mætir skaranum
vill ekki aftur
finna
þetta sem hann fann
þegar Siggi í 1a
steig í lyftuna
og loftið fylltist
af óvæntri
ást
teygði sig
út í það endalausa
í speglunum
Hvað er fólk
af fyrstu hæð
að þvælast um í lyftum?
Vill ekki aftur
vistola
hormónaseyti
