Af bókarkápu:
Í bókinni Fólk í fjötrum er lýst á lifandi og áhrifaríkan þátt bágbornum kjörum og sárri fátækt almennings í byrjun tuttugustu aldar. Þetta er baráttusaga, fjörlega skrifuð og skemmtileg og á svo sannarlega erindi við fólk nú á dögum.
Þrjú skáld urðu fyrst til að kynna Íslendingum jafnaðarstefnuna með skrifum sínum og skáldskap: Gestur Pálsson, Einar Benediktsson og Þorsteinn Erlingsson. Ef til vill kemur mest á óvart hve miklu frumherjarnir fórnuðu fyrir hugsjón sína. Barátta þeirra gegn stéttaskiptingu þjóðfélagsins og ranglætinu og fátæktinni sem henni fylgdi var ótrúlega hörð og miskunnarlaus. Fram koma litríkar persónur eins og til dæmis Jónas frá Hriflu, Ólafur Friðriksson, Jóhanna Egilsdóttir og Bríet Bjarnhéðinsdóttir.
