Bók til að lesa saman og spjalla um. Ragnheiður Gestsdóttir tók saman. Með myndum eftir Önnu Cynthiu Leplar.
Um bókina:
Völusteinn er sjálfstætt framhald á bókunum Sögusteinn og Ósksteinn sem hafa átt vinsældum að fagna meðal nemenda og kennara. Bókin skiptist í þrjá aðalkafla sem hver um sig inniheldur fjölbreytt efni.
Á framandi slóðum: Hvað eiga Róbinson Krúsó, Vesturfararnir á 19. öldinni og íslenskir útilegumenn sameiginlegt? Allir þurftu þeir að takast á við nýjar og framandi aðstæður. Það er forvitnilegt að setja sig í spor þeirra og ef til vill getum við lært eitthvað af þeim.
Í dulargervi: Það getur verið skemmtilegt að þykjast vera einhver annar en maður er. Stundum er meira að segja nauðsynlegt að bregða sér í dulagervi.
Tíminn líður: Væri ekki gaman að eiga tímavél og geta ferðast bæði fram og aftur í tíma? Slík ferðalög eru þó kannski ekki alveg hættulaus eins og Teitur tímaflakkari veit. Kannski er líka hægt að ferðast um tímann án þess að nota tímavél.
