Um bókina
Matthías Johannessen sendi frá sér sína fyrstu ljóðabók árið 1958 og nú, 65 árum síðar, er hann enn að.
Undir mjúkum væng hefur að geyma nýjustu ljóð hans sem ort eru á undanförnum misserum. Þröstur Helgason bjó til prentunar.
Úr bókinni
HEIMKYNNI HRAFNSINS
Beinin hafa verið sett
saman og turnarnir sjást
úr öllum áttum. Senn
koma húsin í ljós
eins og vegaskilti sem vísa
inn í framtíð sem nú
blasir við eins og röntgenmynd
af líkama sem rís
af grunni og gleypir
athygli líðandi stundar
þar til markinu er náð,
nýrri heilsustöð sem
er upplýst tóm
fullt af iðandi ljósum
og líknandi höndum
í tvísýnu
lífs og dauða
En vængblár flögrar hrafn
við laupinn sinn og krunkar
við efstu hæð nærliggjandi krana
en það skilur enginn því að guðir
hrafnsins eru úr tízku og enginn
skilur sambandsleysið
við samfélagssáttmála
Rousseau.
Nema hrafninn.
