Um bókina
Bókin 100 kvæði er úrvalsbók kvæða Þórarins Eldjárns sem valin eru af Kristjáni Þórði Hrafnssyni.
Úr bókinni
Katanesdýrið
Mikla skrímsli kennt við Katanes,
kennslustund og tákn um þetta og hitt.
Þú birtist fólki í blöðum sem það les,
það blotnar ef það heyrir nafnið þitt.
Þér er kennt um allt sem illa fer,
ef aflinn bregst, ef lömbin eru rýr.
Það kann að virðast skrýtið en það er
ósköp gott að hafa svona dýr.
Því jafnt og þétt er kveðinn sami sónn,
menn sífra um illu handaverkin þín
en undir niðri er alltaf falskur tónn:
Þeir eru að fela glæpaverkin SÍN,
og allir sem á skrímslum kunna skil
skilja, dýr, að þú ert ekki til.
