Um bókina
Gefin út í 80 árituðum og tölusettum eintökum.
Úr Ást og frelsi
Sonnetta
Æ brotnar alda hafs og hefst á ný
sem himnar taka litaskiptum ótt.
Í dögun þíðir drífu sólin hlý,
að degi loknum kemur aftur nótt.
Víst fellir tími á heim manns hinstu stund,
manns hugsun verk er líf er stund, ei meir.
Allt breytist, ljóð mitt lifir skamma geymd
en líður síðan marklaust burt og deyr.
Sem heimur æ fær hinstu rökum breytt
er hlutur minn að hverfa af brautu hans.
Og þó mun líf mitt alltaf geyma eitt
sem á við breytni tíma, lífs og manns.
Ég lifði að elskast andartak með þér
svo eilífðin mun aldrei hverfa mér.
