Úr bókinni
næturverk
þegar komið var inn fyrir persaflóa
fékk tunglið sér far með flugvélinni
þaðan sem ég sat í gluggasætinu
sá ég það speglast í hvítum vængnum
augnabliki síðar var ljós bletturinn horfinn
og punktaður málmurinn með
*
þessi saga er ein af þúsund og einni
sem mér liggur á að skrásetja áður en
ég sjálfur hverf inn í nótt þar sem slokknað
tunglsljós og hvítur vængur bíða mín
