Úr Áttu heima hér?:
Myrkur er ekki aðeins sverta eða grámi. Myrkur hefur eðli. Það er misjafnlega þykkt eftir því hvar er. Myrkrið fyrir utan glugga þeirra Péturs og Valgerðar er til að mynda mun lausara í sér en myrkrið í Bænum. Myrkrið fyrir utan glugga þeirra Péturs og Valgerðar er til að mynda mun lausara í sér en myrkrið í Bænum. Myrkrið í Bænum er þykkt þrátt fyrir ofurlítinn vindsperring og þrátt fyrir kuldann og þrengir sér yfir hvaðeina.
Veiðibjöllurnar hvíla sig í myrkrinu. Þegar myrkrið er kalt hvíla kettirnir sig einnig. Í slíku myrkri geta rotturnar verið óhræddar.
Og þær eru það.
Þær ferðast á milli sorptunnanna ein og ein, tvær og tvær, stöku sinnum í heilum flokkum. Þær eru feitar og gljáandi á hár því velsæld þeirra er mikil.
(s. 77)
