Bók í smákverasafni Birgittu, númer 3. Með myndum eftir höfund.
Úr Ég:
Stormur
Það er stormur inni í mér.
Feykir harðhentur burt
hinum forgengna.
Sáir ferskum minnum
þess í stað.
Hann laumast út.
Skilur eftir ládeyðu
og litlaust logn.
Hugur hægist,
hjartað slær svo lágt
að það heyrist varla.
Enn á ný stend ég í framandi fjöruborði,
falast eftir harðhentum ferskleika stormsins.
