Skáldsagan eftir sænska höfundinn Marie Hermanson í íslenskri þýðingu Ísaks Harðarsonar.
Á bókarkápu segir:
Fredrik gengur allt í haginn. Hann er í góðu starfi og kvæntur listakonunni Paulu – dásamlegri konu sem hann tilbiður og furðar sig á að skuli hafa viljað hann. Saman eiga þau tvö börn og eru nýflutt í draumahúsið, gamalt og sjarmerandi hús á fallegum stað utan við Kungsvik.
En svo tekur tilvera þessarar hamingjusömu fjölskyldu að breytast. Dag nokkurn er Fredrik snemma á fótum eftir svefnlitla nótt. Í ganginum mætir hann ókunnum manni, lágvöxnum og ófrýnilegum náunga sem segist búa í kompunni undir stiganum. Maðurinn er ákaflega óskýrmæltur en það fer ekki á milli mála – hann segist eiga heima undir stiganum! Hverju á Fredrik að trúa? Maðurinn verður æ oftar á vegi hans og veröld Fredriks virðist vera að snúast upp í martröð.
Bóksalar í Svíþjóð útnefndu Kallinn undir stiganum bestu skáldsöguna 2005.
