Úr Lukku
Smáfuglahópur í fallegum sveig
framhjá hárri blokkinni
og fyrir þá næstu
Birtast svo aftur og stilla sér upp
á ljósastaur allir saman
Lúta goggi
Glæsilegt atriði í söngleik
sem drepinn var af gagnrýnendum
en fer þó fram í uppljómuðu leikhúsi
við Shaftesbury Avenue í London
og bara við tvö í salnum
Við klöppum ekki
og þeir tygja sig baksviðs
---
Sólin er sein á fætur
þennan daginn
Birtist rétt fyrir hádegi
og breytir hélu í dögg
vetri í sumar
Hinsta brosið á banasæng
Dauft en þó dýrast allra
(26-7)
