Myndir : Garðar Pétursson
Úr Ævintýri úr Nykurtjörn:
Að flestu leyti er líf nykranna einfalt og auðvelt. Þeir lifa á ýmsum gróðri, sem vex á vatnsbotni, stundum éta þeir skorkvikindi og einstaka sinnum fisk. Ef í harðbakkann slær, geta þeir líka lifað á mold og sandi. Hafi einhver ímyndað sér, að þeir leggi sér mannfólk til munns, þá er það mesti misskilningur. En hvað skyldu þeir vilja með þeirri áráttu sinni að lokka til sín manneskjur? Ef satt skal segja, gera þeir það eingöngu sér til gamans, rétt eins og þegar fólk fær sér gæludýr, hunda, ketti eða páfagauka. Munurinn er bara sá, að mannfólkið getur ómögulega lifað í hrollköldum híbýlum nykranna. En það skilja nykrarnir ekki og þess vegna halda þeir viðtekinni venju og reyna alltaf öðru hverju að krækja sér í mannfólk.
(s. 9)
