Halldór Laxness eftir Peter Hallberg í þýðingu Njarðar.
Af bókarkápu:
Halldór Laxness er ekki einvörðungu höfuðskáld Íslendinga á þessari öld, heldur einn helsti frömuiður íslenskrar menningar í víðtækasta skilningi.
Í þessari síðustu bók sinni um Halldór Laxness dregur Peter Hallberg upp mynd af honum sem íslenskum menningarfrömuði en ekki sem skáldi og rithöfundi í þröngri merkingu þessara orða. Er sérstök áhersla lögð á þátttöku hans í skoðanaskiptum og umræðum af ýmsu tagi og því meira fjallað um greinar hans, ræður og ritgerðir en hingað til hefur verið gert.
Umfjöllunina verður þó að takmarka við nokkra meiri háttar efnisflokka, eða þá sem hér fara á eftir:
1. Þjóðerni - Ísland og umheimurinn.
2. Trú og lífsviðhorf.
3. Stjórnmál og þjóðfélag.
4. Listræn viðhorf.
Það hefur ávallt vakið þjóðarathygli, þegar Halldór Laxness hefur tekið afstöðu til málefna líðandi stundar og skoðanir hans hafa jafnan haft mikil áhrif auk þess sem þeirra gætir víða í skáldverkum hans eins og Peter Hallberg sýnir fram á.
Peter Hallberg er dósent við háskólann í Gautaborg og hefur ritað meira um Halldór Laxness og verk hans en nokkur annar maður. Bókin er nauðsynleg viðbót við rit Halldórs Laxness, sem enginn lesandi hans ætti að láta vanta í safn sitt.
