Ný og áður óbirt ljóð, í bland við önnur sem áður hafa birst í eldri ljóðabókum Eríks Arnar, í tímaritum eða á internetinu. Formáli eftir Ingólf Gíslason, miðmáli eftir Hauk Má Helgason og eftirmáli eftir Bryndísi Björgvinsdóttur.
Úr Þjónn, það er fönix í öskubakkanum mínum!:
XXXVII
Þúsund þorskar bryðja eyjarnar eins og súkkulaðispæni og hrygna í hraunsár Heimaeyjargosa svo heimamenn dúa í kvikustrókum áður en þeir hrynja í hafið eins og tindátar í dómínótafli - þúsund þorksar bryðja Surtsey og Geirfuglasker, þúsund þorskar fylla kinnar af mosa og hreðjar af sprungnabergi og sprangandi eyjapeyjum, þúsund þorskar bryðja Heimaey og Heimaeyjapeyja og þúsund þorskar bryðja ballgesti, þúsund þorskar bryðja bíóhús og timburkofa, þúsund þorskar graðga í sig gangsstéttir og slökkviliðsbíla, götuljós og kirkjutröppur, þúsund þorskar hamast við að háma í sig apótekið og Elliðaey og þúsund þorskar sporðrenna hikstalaust Þrídröngum. Þúsund þorskar ropa svo drynur í himnunum og þúsund þorskar sigla í var - leggjast á meltuna.
(85)
