Birtist í 3. tölublaði tímaritsins 1005.
40 valdar örsögur úr Der Stimmenimitator eftir Thomas Bernhard.
Úr bókinni:
Potocki fursti
Fursti nokkur að nafni Potocki, frændi hins fræga Potockis sem skrifaði Saragossa-handritið og vann sér með því verðugan sess innan heimsbókmenntanna, er sagður hafa lokað öllum gluggahlerunum á híbýlum sínum í nágrenni kazimierz, einum af öðrum, frá efstu hæð og niður, og eftir að hafa gengið úr skugga umað allir hlerarnir í kastalanum væru lokaðir, skaut hann sig í hausinn með eintak af Fást eftir Goethe fyrir framan sig, opið nákvæmlega á þeim stað þar sem páskagangan endar. Sagt er að furstinn hafi strikað undir með rauðu við niðurlag páskagöngunnar áður en hann fyrirfór sér og sett spurningarmerki við. Í erfðaskránni óskaði hann þess að hlerarnir á kastalanum sem hann hafði haft lokaða í þrjátíu ár yrðu ekki opnaðir fyrr en þrjáríu ár væru liðin frá dauða hans. Potocki-fjölskyldan varð við þessari hinstu ósk hans. Strax eftir að Potocki-fjölskyldan opnaði hlerana seldi hún kastalann í nágrenni Kazimierz.
(41)
