Furðufjall : Nornaseiður

Höfundur: Gunnar Theodór Eggertsson
Útgefandi: Vaka-Helgafell
Staður: Reykjavík
Ár: 2021
Flokkur: Unglingabækur,; Barnabækur

Fífa Finnsdóttir myndskreytti

Um bókina

Nornaseiður er fyrsta bókin í splunkunýrri ævintýraseríu fyrir börn og unglinga.

Íma er ósátt við lífið. Öll leiðinlegustu skyldustörfin á eyjunni lenda á henni á meðan systir hennar fær að nema galdur hjá nornunum! Andreas lærir járnsmíðar af pabba sínum á meginlandinu en dreymir um að verða riddari og vinna hetjudáðir. En örlögin hafa ætlað þeim báðum annað og brátt verða óvæntir og skelfilegir atburðir sem setja tilveru þeirra gjörsamlega í uppnám.

Úr bókinni

Hlutverk nornanna voru af ýmsu tagi, en störf þeirra fóru mestmegnis fram á bak við tjöldin. Þær sáu til dæmis um að viðhalda verndarveggnum úti á hafi og hlúa að gróðrinum hátt uppi í fjalli. Þær sáu um útfarir þegar álfar dóu (á þessum tíma hafði ég aldrei þekkt neinn sem dó), pössuðu upp á að friður ríkti á milli fjarða og að lífríkið blómstraði í fjallinu. En það fóru líka dularfullar sögur af nornunum. Börnin hvísluðu sín á milli að þær væru hamhleypur sem gætu breytt óþekktarungum í skorkvikindi og að leiðtogi þeirra, sjálf Æðstanornin, nærðist stundum á álfakjöti til að yngja sig upp. Þær áttu heima undir eða innan í fjallinu og gátu ferðast um neðanjarðar eftir leynigöngum sem voru okkur óbreyttu álfunum hulin. Við hvern fjörð mátti hinsvegar finna Nornastein sem var einhvers konar vegvísir inn í veröld þeirra, fyrir þá sem kunnu að lesa úr slíku.
Það kunni ég allavega ekki, því sama hvernig ég reyndi að leika eftir galdurinn hennar Súlu bar það engan árangur. Kannski ekki skrítið, ég hafði verið svo langt í burtu að ég sá hvorki hvernig stein hún notaði né heyrði hvort hún fór með nokkra töfraþulu á meðan. Ég ákvað að fylgja henni aftur næsta dag og leggja þá nánar við hlustir.
Það sem eftir var dagsins hékk ég í frostinu niðri í flæðarmáli, taldi þrettán sækýr og fyllti þrjá poka af hrúðurkörlum. Hvers vegna þurfti amma endilega vona marga? Við áttum ábyggilega nóg smyrsli til að endast árum saman. Ég sneri örþreytt heim í kvöldkyrrðina, var hvíldinni dauðfegin og steinsofnuð áður en Súla kom heim.

(s. 28-29)

Fleira eftir sama höfund

Köttum til varnar

Lesa meira

Steinskrípin: hryllingsævintýri

Daginn sem Bergur vaknar skyndilega til lífsins skín gamalkunnug sólin hátt á lofti en annað er framandi. Veröldin er grá og líflaus og þar ráða steinskrípin ríkjum – hrikalegar ófreskjur með slímuga arma og flugbeittar klær. Bergur er þó ekki einn í heiminum.. .

Lesa meira

Vatnið brennur

Raftónlistarkonan og ólíkindatólið Gríma er komin austur í Neskaupstað til að spila á Eistnaflugi, þótt hún eigi litla samleið með málmhausum og láti flest sem viðkemur hátíðinni fara í taugarnar á sér. En ferðin reynist vendipunktur í lífi Grímu því þar kemst hún í kynni við gamla, sænska þjóðlagaplötu sem tengist dularfullu og ógeðfelldu morðmáli snemma á áttunda áratugnum. Og fyrr en varir hefur ævaforn lagstúfur náð yfirnáttúrulegum tökum á tónlistarkonunni.

Lesa meira

Galdra-Dísa

Púkinn ásótti Dísu í draumum alla nóttina. Atvikið í tónleikasalnum hafði djúp áhrif á ungu konuna og henni leið einhvern veginn eins og hún hefði óvart kallað djöfulinn til sín, meðvitað eða ómeðvitað. Ef þetta var þá djöfull.

Lesa meira

Drauga-Dísa

Þegar allt fer í háaloft á milli Dísu og vinsældaklíkunnar í níunda bekk flýr hún upp í sveit með foreldrum sínum. Þrjú hundruð árum fyrr situr strákur í sama dal og bíður þess að ófreskja skríði úr eggi. Hvorugt þeirra veit að brátt munu þau hittast og setja af stað atburðarás sem slær við öllum skrímslasögum sem heimurinn hefur þekkt til þessa.. .

Lesa meira

Drauma-Dísa

Drauma-Dísa er þriðja bók Gunnars Theodórs Eggertssonar um stelpuna sem eitt sinn var venjulegur unglingur í Reykjavík, gufaði svo upp eftir ævintýralegan bardaga í fjarlægu landi en lifir í gegnum bækur Björns, vinar síns úr fortíðinni.

Lesa meira

Furðufjall : Næturfrost

Næturfrost er önnur bókin í ríkulega myndskreyttri ævintýraseríu fyrir börn og unglinga. Þetta bindi hefst á því að Andreas og föruneyti hans hafa numið land á Hulinseyju. Álfarnir taka vel á móti þeim þótt þeir haldi þó ákveðinni fjarlægð. Íma glímir við nornanámið og kemst á snoðir um hræðilegt leyndarmál sem falið er í fjallinu. En skuggahliðar eyjunnar koma þó fyrst í ljós þegar nóttin skellur á.

Lesa meira

Furðufjall : Stjörnuljós

Álfastúlkan Íma situr fangin ofan í gömlum hallarrústum þegar hvítur köttur birtist skyndilega og leiðir hana djúpt inn í iður fjallsins. Andreasi er rænt af álfunum en verra er þó að erkióvinur hans, prinsinn, hefur fundið Hulinseyju og hyggur á hefndir. Framtíð eyjunnar er því í höndum Ímu og Andreasar, sem þurfa að ljúka upp leyndardómum fjallsins og sameina íbúana gegn óvinunum.

Lesa meira

Sláturtíð

Kvikmyndagerðarmaðurinn Ásbjörn Axel tekur að sér að hafa uppi á íslenskri baráttukonu fyrir réttindum dýra sem ekkert hefur spurst til síðan hún sat í fangelsi í Hollandi fyrir skemmdarverk. Leitin leiðir hann á vafasamar slóðir í litríkum félagsskap dýraréttindasinna í Evrópu og smám saman missir hann tökin bæði á verkefninu og sjálfum sér.. .

Lesa meira